«oliy sud» tegli maqolalar
240 nafar qatag‘on qurbonining nomi oqlandi (ro‘yxat)
Oliy sud 5 ta jinoyat ishi bo‘yicha 240 nafar qatag‘on qurbonining nomini oqladi. Ular hozirgi Qoraqalpog‘iston Respublikasi, Surxondaryo, Navoiy, Samarqand va Qashqadaryo viloyatlari hududlarida yashagan. Surgun qilinganlar ichida bir necha o‘nlab Qozog‘iston SSR fuqarolari ham bo‘lgan.
Oliy sudda ko‘riladigan ishga da’vogar sifatida borgan erkak yurak xurujidan vafot etdi
Oliy sudning Fuqarolik ishlari bo‘yicha sudlov hay’atida shikoyati ko‘rilishi uchun da’vogar sifatida borgan 66 yoshli erkak kutish xonasida yurak xurujidan vafot etdi. Oliy sud majlis o‘z vaqtida boshlanganini ma’lum qildi.
“Akamdan xavotirdamiz” — bloger Olimjon Haydarovning ukasi
Farg‘onalik bloger Olimjon Haydarov salbiy mazmundagi maqolani tarqatmaslik evaziga 10 ming dollar talab qilganlikda ayblanib, hibsga olingandi. Uning ukasi Salimjon Haydarov “Gazeta.uz”ga aytishicha, gumondorning uyida tintuv ham o‘tkazildi.
Raqqosa Malika Ahmedovaning uyidan 680 ming dollarlik taqinchoqlar o‘g‘irlangani bo‘yicha 4 kishi sud qilinmoqda
O‘zbekiston xalq artisti Malika Ahmedovaning uyidan 680 ming dollarlik qimmatbaho taqinchoqlar o‘g‘irlangani bo‘yicha 4 kishi ayblanmoqda. Oliy sudning “Gazeta.uz”ga ma’lum qilishicha, sudlanuvchilarga nisbatan qamoq ehtiyot chorasi qo‘llangan.
Nashida tufayli 3 yilga qamalgan yigitga chiqarilgan hukm ozodlikni cheklash jazosiga o‘zgartirildi
Oliy sud Jinoyat ishlari bo‘yicha sudlov hay’ati kassatsiya instansiyasi nashida tufayli 3 yilga qamalgan 21 yoshli Jahongir Ulug‘murodovga nisbatan chiqarilgan hukmni 3 yil muddatga ozodlikni cheklash jazosiga o‘zgartirdi. Jahongir Ulug‘murodov darhol jazoni ijro etish joylarida qamoqdan ozod qilinishi belgilandi.
Termizning sobiq hokimi Isroil Xudoyberdiyev 11 yilga qamaldi
Termizning sobiq hokimi Isroil Xudoyberdiyev 11 yilga ozodlikdan mahrum etildi. U Jinoyat kodeksining 7 ta moddasida nazarda tutilgan jinoyatlarni sodir etganlikda aybdor deb topildi. Shuningdek, 17 nafar sudlanuvchiga ham turli darajada jazolar tayinlandi.
Andijonda IIB va MIBning 4 nafar xodimi 5,6 mlrd so‘mni talon-toroj qilganlikda ayblanmoqda
Andijon viloyati IIBning 3 nafar va MIB Andijon shahri bo‘limining 1 nafar xodimi talon-torojliklar va mansab soxtakorligi bo‘yicha sudlanmoqda. Dastlabki ayblov xulosasiga ko‘ra, jinoyat oqibatida 5,6 mlrd so‘mdan ziyod mablag‘ o‘zlashtirilgan.
Bloger Abduqodir Mo‘minov ishi bo‘yicha sud jarayoni boshlandi
Jinoyat kodeksining 5 ta moddasi bilan ayblanayotgan bloger Abduqodir Mo‘minov ishi bo‘yicha sud jarayoni boshlandi. 25-iyul kuni bo‘lib o‘tgan ilk ochiq sud majlisida OAV vakillari ishtirok etdi. Ishda 14 nafar jabrlanuvchi mavjudligi va ularga jami 903 mln so‘m moddiy zarar yetkazilgani aniqlangan.
Oliy sud ko‘chma radardan kelgan jarimani haydovchi foydasiga hal qildi
Samarqand viloyatida ko‘chma radar orqali aniqlangan tezlikni oshirish bo‘yicha belgilangan jarima Oliy sud tomonidan bekor qilindi. Chunki YPX xodimi radardagi tezlik ko‘rsatkichi bilan haydovchini tanishtirmagan va uning talabi bilan moslamaning sertifikati ko‘rsatmagan.
Bloger Abduqodir Mo‘minov ishi bo‘yicha sud 25-iyul kuni boshlanadi
Jinoyat kodeksining firibgarlik, tovlamachilik va boshqa moddalari bilan ayblanayotgan bloger Abduqodir Mo‘minov ishi bo‘yicha sud 25-iyulda bo‘lib o‘tadi. Ishda 14 nafar jabrlanuvchi mavjudligi va ularga jami 903 mln so‘m moddiy zarar yetkazilgani aniqlangan.
Saylovda sudlarga hech qanday murojaatlar kelib tushmadi — Oliy sud
Oliy sud raisi o‘rinbosari prezidentlik saylovi vaqtida sudlarga hech qanday murojaatlar kelib tushmaganini ma’lum qildi. U bunga aholining huquqiy ongi oshgani va OAV vakillari bilan tegishli muloqot o‘rnatilganini sabab sifatida ko‘rsatdi.
“Gazeta.uz” Oliy sud o‘tkazgan tanlov nominatsiyasi g‘olibi bo‘ldi
Oliy sud USAID hamkorligida sudlar faoliyati yuzasidan to‘g‘ri va xolisona fikrni shakllantirgan, bajarilayotgan ishlarni jamoatchilikka yetkazishda qonun talabi bilan ishlayotgan OAV vakillarini taqdirladi. “Gazeta.uz” internet nashri “Internet va bosma nashrlar” nominatsiyasi g‘olibi bo‘ldi.
Mushukni tiriklayin yoqib yuborgan quvasoyliklar 3 sutkadan 7 sutkagacha qamaldi
Jinoyat ishlari bo‘yicha Quvasoy shahri sudi mushukni tiriklayin yoqib yuborgan 3 erkakni hayvonlarga nisbatan shafqatsiz munosabatda bo‘lganlikda va ulardan birini zo‘ravonlikni targ‘ib qiluvchi kontent tarqatganlikda aybdor deb topdi. Ular 3, 5 va 7 sutkaga qamaldi.
Surxondaryoda o‘qituvchi ayollarni do‘pposlagan erkak pedagog 1,5 yilga qamaldi
Aprelda ayol hamkasblarini do‘pposlagan Uzun tumanidagi 31-maktabning erkak o‘qituvchisiga nisbatan sud hukmi o‘qildi. U 1,5 yil muddatga qamaldi. Shuningdek, undan ikki nafar jabrlanuvchiga yetkazilgan ma’naviy va moddiy zararlar undirilgan.
Toshkentda himoya orderi talablarini buzgan AQSh fuqarosi jarimaga tortildi
Toshkentda 61 yoshli AQSh fuqarosi Maksim Penson himoya orderi talablarini buzgani va bezoriligi sabab jarimaga tortildi. U turmush o‘rtog‘i S.Razakovani turli so‘zlar bilan haqorat qilib, ayoliga nisbatan tazyiq o‘tkazgan. Sud uni 990 ming so‘m jarimaga tortdi.
Nukus voqealari bo‘yicha yana 28 kishining apellyatsiyasi yuzasidan sud qarori 12-iyunda e’lon qilinadi
Nukus voqealariga oid ikkinchi sud jarayonidagi 28 nafar mahkumning apellyatsiya shikoyatlari bo‘yicha sud qarori 12-iyun kuni e’lon qilinadi. Murojaatlarni ko‘rib chiqish 18-may kuni boshlangandi.
Nukus voqealari bo‘yicha apellyatsiya sudi qarori 5-iyun kuni e’lon qilinadi
Oliy sud 5-iyun kuni soat 15:00 da Qoraqalpog‘iston voqealari bo‘yicha qo‘zg‘atilgan jinoyat ishi yuzasidan 16 nafar mahkumning birinchi sud jarayoni bo‘yicha apellyatsiya shikoyatlari, shuningdek, shartli ravishda hukm qilingan 4 kishiga nisbatan prokuratura protestini ko‘rib chiqishni yakunlab, hukmni e’lon qiladi.
“O‘g‘limga yana bir imkon beringlar”. Nashida ortidan qamalgan talabaning onasi prezidentga murojaat qildi
Nashida yuborishi ortidan 3 yilga qamalgan talaba Jahongir Ulug‘murodovning onasi prezident Shavkat Mirziyoyevga murojaat yo‘lladi. “Nashida mumkinmasligi nega televizorda aytilmaydi, biz qayerdan bilamiz u nashida ekanini?” deya savol bilan yuzlandi Gulchehra Umarova va o‘g‘liga yana bir imkon berishlarini so‘radi.
“Yetimlarni zo‘rlagan amaldorga shartli jazo, nashida yuborganga 3 yil qamoq”. Toshkentda 21 yoshli talabaning qamalishi e’tirozlarga sabab bo‘lmoqda
Telegram-guruhga nashida havolasini yuborgan 21 yoshli talaba yigitning 3 yilga ozodlikdan mahrum etilgani ijtimoiy tarmoqlarda noroziliklarga sabab bo‘ldi. Aksariyat fuqarolar unga nisbatan tayinlangan jazoni o‘ta og‘ir va adolatsiz deb hisoblamoqda. Holat yuzasidan Alisher Sa’dullayev ham fikr bildirdi.
Telegram`dagi guruhga nashida yuborgan 21 yoshli yigit 3 yilga qamaldi
YouTube`dagi nashidani Telegram-guruhga yuborgan 21 yoshli yigit 3 yil muddatga ozodlikdan mahrum etildi. Din ishlari bo‘yicha qo‘mita nashidada aqidaparastlik g‘oyalari borligini ma’lum qilgan.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- Xonanda Shirin Abdullayeva 19 yoshida vafot etdi (1)
- O‘zbekistonning har bir tuman va shahrida kamida bittadan inklyuziv maktab tashkil etiladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- Video: Buxorodagi xonadonda gaz portladi
Qo‘shimcha imkoniyatlardan foydalanish uchun saytda ro‘yxatdan o‘ting